قال المثل من قبلنا العرق دساس

[نجم الإبداع]

يالله يالي الفجر منك انفلاقه= ياخالق الكون البديع اكفنا الباس
واحفظ لنا بالناس طيب العلاقه=واكتب لنا الحكمه على كل مقياس
اشوف راعي الحلم ضيّق خناقه=واهل الهوى في كل وادي لهم كاس
الشاعر الي يشتكي من فراقه =والشاعر الي لابسن فوقه الطاس
والشاعر الي له مع الشعر فاقه= احيان يوفي الجزل واحيان ينحاس
لابد مايظبط رقوم البطاقه=واليا نسيها قلت لاباس لاباس
عزّي لراعي الصدق مل الصداقه=ممايلاقي عند دامس ودماس
بعض العرب ماعنده الا الصفاقه=ماشال حمل ولاكفى شره الناس
لو جاملوه الخلق بان انخفاقه=بين العرب مهبول راكبه وسواس
لاشفت من بين الشعور انسراقه=يقبل وهو ماغير يهذي بالاوجاس
راعي حماقه مايخلي الحماقه= ماراق لي طعمه ولا راق هوجاس
والبعض له نزوه وفيه انطلاقه=وده يعيد افكار عنتر وجساس
ليته ركب له خيل حاضى سراقه=والا صلاح الدين واقول لاباس
مغرور متباهي يبان انذراقه=عند المواقف مايوفي وينحاس
والبعض متميز وراعي لباقه=يعجبك قوله لاتكلم والاحساس
واصل الفتى جده ووجه الطلاقه= قال المثل من قبلي العرق دساس