عز التعابير

[عمر ال شيبي]

للتواصل من عقب غيبه

عز التعابير

ما كل طيرن له جناح المطايير= بعضن كما الحيوان يمشيْ بْهدابه
ربك عطانا الفكر حل الحزازير = بين السطور اقوال تشغل مُهابه
للواحد اللي ما درابه مزاغير = يبقى يتيم الحال بين ٍ غلابه
وسمح لنا بالقول لب التفاكير= الله يعين الحاف بردن سطابه
قطف العنب يعبيد عزّ المعاصير= فيه الدوا لاْعصاب ظيق ٍ سبابه
يوم القهر عنوان نجل المغاوير =لا هجرست لعيون قطر السحابه
قالوا العزيز اليوم يجلس على بير = يبكي على مريوم ونس الصحابه
يستذكر بتِيام زهر التناوير =لا منّها برهاف حسن القرابه
ماهي بقرابة دم لكن مقادير = حب القلوب انصاف ماْبها حرابه
ونة مريض الشوق رحل الغنادير = حارت ثلاث ايام ثقل الغيابه
ويلي انا يعبيد حزن المناعير = لامنّها بحساس دمعن سكابه
لجل الحنان بحال قلب المسايير = مثل الشمع بسكاب حرّن صبابه
لا ولعت بالخيط نار المجاهير = يمكن تشوف النور لكن غرابه
فاسال عن المقرود وشبه مساهير = دامت وناسه حول عين الصبابه
تلقى الجواب الصمت عز التعابير = مع لمعة ٍ بالعين وفهم جوابه
ماهوب نِدم يا زين داير مداوير= عشق ٍ حكم بالروح ما باقْتِرابه