شكوى وجواب شكوى !!

[الشريف الشرّقي]

قال فوهة :


لا والله ألّا حان وقت الكتابه=وسنّ القوافي في وجيه الطواغيت
وذر الإثارة في عيون الرتابه = وبث الحياة اليوم في المنتدى الميت
تعال ننهي وقع صوت الكآبه = وندندن النغمات بيتٍ بأثر بيت
صرح تهدم ليه وأصبح خرابه =تسمع على موته نحيب وتناهيت
في كل ركنٍ فيه يوحي الغرابه = تبدّلت بيض الحمايم عفاريت
تعال تكفى خلّ عنك الصبابه = ولا يهمّك بطش ظلم الطواغيت

ثم قال الشرقي :


ياصاحبي.. والسيف طلق جرابه = ياصاحبي.. والمنتدى فيه تشتيت
كب الهموم وجر قوس الربابة = ماينفع المضهود كثر التناهيت
الذيب ما يفرس ليا طاح نابه= والغاز مايقبس بليا كباريت
لو كان "ترجع" بالنشب والطلابة=والله لكبتها على الخصم تكبيت
واقطع لسانه ثم امرمط جنابه= مثل الذي سوى(بريمر) بتكريت
لكن نبيها بالسنع والذرابة=عل وعسى ينفع معاهم وياليت
وانا معك لوكان حولي ذيابة=ولو صدرن(رماح) او وردن (هيت)