مملكة سناعيس الخاصه

[سناعيس]

وتكتمل
\

اسمح لي ان اجاريك بقليل من الكلمات سيدي الشاعر


كل ن يسولف عن حياته على جال = ويفضفض المكنون لو فيه غايه

في ذا الزمن نمشي ولا نضمن الحال = يامسرع الأيام راحت ورايه

نكتب على صدر الزمن كان شلال = يروي عيون الناس من فيض مايه

واليوم حالي بين هم ن وغربال = ماشفت بين الناس غير الوشايه

ابكي على حالي ولي دمع سيّال = اشهق وصمتي زاد فيني شقايه

وش فايدة دمعي ودمع الحبر قال = انسي حياتك وانسي اهل الدعايه

وشلون بنسى جرح في قلب لازال = جرحي كبير وجرح روحي بلايه



اسمحني اخي

ولكن ابياتك جعلتني ابوح

خجل قلمي ان يواصل ويكمل ما بدأت به انت

واعذرني على تطفلي ودخول خصوصيتك ومجاراتك

لاعدمتك
خيالة الشعر
حياك الله وصح لسانك مليون ولايكفون
قلتي فأجزلتي
ويعلم الله ان مجاراتك لي تشرفني
ودامك بهالشاعريه كثري من تطفلك الله يرحم والديك :)
واسمحي لي برد ارجو قبوله على علاته
ولك اجزل تحياتي


أسعد لحظات الشعر يومه يقال=وانا سبب بوحه وكنت البدايه
خيالة للشعر وابياتك جزال =ولاشك جبتي مايلوح بسمايه
الفال طيبب وانتي اطيبب من الفال=يومن على الكشكول جيتي معايه
كثير منهو للشعر هيجن وشال = أما طرب والا يمارس هوايه
وكثير من دمعه على الخد همال=ويكتم بصدرن حاكمته الوصايه
وكثير من يكتب كلام على البال=يبي يفضفض به وهو له مرايه
كل يصيغ حروف فكره ويحتال=على الهموم ولو حصل به قرايه
الحبر لامنه على هالورق سال=وعبر عن المكنون فيه الكفايه