تبّاً لهم لايفقهون يقرون مالا يعلمون

[فارس القوافي]

طبّيت ميدان الشعر لبيـه ياراعـي النـداء = كل البحور اكتب بها والناس فيني ينظـرون


متجدد وفكري كذا متبـوع دايـم بالرضـاء = عندي قناعه كامله واقبـل بنقـد الناقـدون


اكتب من احساسي شعر ماريد رد ولا عطاء = خذ المفيد وماتبي وان ما تبي سمّه مجـون


اكتب غزل واكتب حزن واذا وصلنا للهجاء = اكتب هجاء للي غلط والّي لشخصي يفترون


بالنصح دايم أبتدي ما همنـي كيـد العـداء = مردود كيده فالنحر من غير شك ولاظنـون


جوني على كلّ الجهات حتى بأشكال النساء = ملثّميـن اوجوههـم وفـي قفانـا يطعنـون


الحرمه دوم مصدّ قه في شارعٍ والاّ قضاء = والّي وقف في صفّهم يلبس عباتـه لايهـون


ما دام حقي ما وصل اببتدي هـذا المسـاء = ابقلب العامّي فصيح والياء اغيّرهـا بنـون


اطلع تحت انزل لفوق لحظه بتوصل للفضاء = اعكس مفاهيم البشر وتظاهر انك في جنون


ارسم لهم صورة جمل وقـول هـذا ببغـاء = بيصدقوك بلا عتب وعن خطاهـم يعذلـون


انظر وطالع للسماء وش لونها لون السمـاء = لون السماء بنفسجي امزح ترى لا تنظرون


يعني الشعر كلّه كذا كلّـه خيـالٍ مستقـاء = (تبّاً لهم لايفقهون يقـرون مـا لا يعلمـون)