اليا تــكلم هــرجته تشرح الروح

[الآكيد]

قالو علامك قلت يالربـع مذبـوح = ابقى طوال العمر وانـا طريحـه
بيته جوار البيت والبـاب مفتـوح = مفتـوح بابـه للقلـوب الشفيحـه
اليا دخلت الدار وعطورها اتفوح = مدري عطر والا من العطر ريحه
حاولت اوصفها واشيد لها اصروح = باوصافهـا والله ماهـي قبيـحـه
عينه كما حرٍ تنكر عـن اللـوح = خلا خويه في صحـاري فسيحـه
ومبيسمه فيه الثنايا لهـن ضـوح = من شوفته باصيح مليون صيحـه
وشعره على كتفه كثيفٍ وسابـوح= اسود على الاكتاف ماحلا لفيحـه
اليا تكلم هرجته تشـرح الـروح = لو في ضميري هم لازم يزيحـه
ساس المحبه قبل عصر النبي نوح = قابيل مع هابيـل سـوو فضيحـه
ياعاذلي في حبها روح مسمـوح = هذا الهوى مانتركـه بالنصيحـه
هذا الهوى لو كنت رجال طحطوح = يرميك بسهامه وتصبـح طريحـه


الآكيد

خـالـد عـتـيـق النفيعي