بالحجة والبرهان ... على بطلان الدراسة في رمضان !!!!!!

[ابووفىماعنه خفى]

بسم الله الرحمن الرحيم


http://www.eqla3.com/vb/attachment.php?attachmentid=23 2436&d=1158094338

قبل ما ابدأ أحب اقول الله يكون بعون طلاب وطالبات الجامعات ذا الفصل والله يستر عليهم من الحرمان

لأن هالفصل طويــــــل ومقداره 18 اسبوع ومنها 4 اسابيع في شهر رمضان :(

يعني وش فيها لو حذفوا 4 اسابيع اتوقع ان 14 اسبوع كافيه للتوزيع وتكميل المنهج :sm12:

هالايام يكثر الحتسي في وسائل الإعلام المقروء ووالمسموع والمشيوف عن الدراسة في رمضان

وان رمضان تراه مثله مثل غيره من باقي اشهر السنة.. وانتم ياللي تصايحون وتقولون :وش بلاكم علينا يوم تدرسونا

في رضان ؟؟ ترى ماعندكم سالفة !! ووراكم جوارين ولانتمب ناطحين من التعب والعنى ولا طول( ذيي ) ولا انتمب

تعرفون شي !!..ولا هذي الغزواااات والفتوحااات الإسلامية اكثرها كانت في شهر رمضان هذي غزوة بدر ..وفتح

مكة .. وعين جالوت و....الخ >>> يعني اني عارف غزوات اكثر من ذولي بس اختصار للوقت قلت الخ pb192

هذه شبهتهم في الدراسة في نهار رمضان :(

وحنا نقول سمعناكم فاسمعوا لنا ..

انتم كلامكم فيه شي من الصحة بس ماندري انتم نسيتوا او تناسيتوا ان الغزوات اللي قلتوها كان الجند اللي حاضرينها

كانوا مفطرين pb095 والدليل على أن ماندعيه صحيح ان عمرو بن الحمام في غزوة بدر كانت في يديته تميرات

وكان ياكل فيهن ثم قال قولته المشهوره اللي معناها: ( بخن بخن ..لا والله اللا ياطول هاليوم طولاه

ان قعدت احتري الين يقضن هالتمر اللي في يدي ) ثم ذبهن واقبل على المشركين يقاتلهم ببساله

وابشركم انه نال في ذيك الغزوه

http://images.google.com.sa/images?q=tbn:Sytv5sK-tftQiM:http://www.khayma.com/dakah5/ramathan.JPG

ثم يضربون لنا مثل بالسلف ويقولون ان السلف كانوا مايفرقون بين شهر رمضان والأشهر الأخر فكلهم عندهم سوى

نقول لهم وين جبتوا ذا الحتسي منه ..بالعكس هذا الدليل يحجكم انتم ولا يحجنا لأن اللي قاري عن السلف الصالح

انهم اي السلف اذا دخل شهر رمضان الفضيل معد يدرسون لا تفسير ولا فقه ولا حديث ولاحتى علومه ..

مع ان الملائكة تضع اجنحتها لطالب العلم ..والحيتان وهي في بحرها تستغفر لطالب العلم .. بل انهم مايتفرقون

من متسانهم الا ويقال لهم : ( قوموا مغفورا لكم ).. ومع هذا وذاك الا إن مدارسهم كانت تسكر اذا دخل شهر رمضان

وحنا ماشاء الله علينا افضل منهم مدارسنا في رمضان مفتوحة pb071

طبعا الله من واحدن يبي يجي كانس يمشي مليون ويقول ان السلف الصالح كانوا يوقفون تدريسهم علشان يتفرغون

لقراءة القرآن الكريم فهو شهر القرآن ..

اقول لكم صحيح بس انتم يوم خليتونا ندرس معد صرنا نفضى نفتش المصحف:(

http://images.google.com.sa/images?q=tbn:nNReXmcvZSvDjM:ht tp://www.sunna.info/souwar/data/media/29/sunna_ramadan.jpg

لا.. ويقولون: وش فيها اذا درستوا في رمضان ؟؟ ووش فايدة الصوم اذا صار مافيه تعب ولامشقه؟؟

نقول لهم يعني اذا ماتعب الواحد في صومه.. ولا عطش.. ولا طقته النفاظه من الجوع ..اجل صيامه مهوب صحيح!!!pb093

بعدين لو كانت المشقه في الصوم مطلوبه تسان الشارع مارخص للمسافر ان يفطر في نهار رمضان

وتسان بعد مانهى الشارع عن صيام يوم عرفه بالنسبه للحاج ..بس نهي عن صيامه لاجل ان يتفرغ للدعاء

والظن ان الدعاء اهون من مصالى الطلاب بالنسبه للمدرسين ..واهون على الطلاب من مقابل المدرسينpb131

http://images.google.com.sa/images?q=tbn:92HAr4XdCbK4oM:ht tp://www.alshamsi.net/islam/ramadan/ram21.jpg

ايضا دايم يطالب الطالب انه مايجي للمدرسة الا وهو لابدها بفطور .. والا تراه مهوب مستوعب.. والله يستر لايدوخ

ثم يصفر في المدرسة (يصفر = يغمى عليه ) وهها عاد الى اصفر الطالب في المدرسه

من اللي فيه وحده ينقله للمستشفى ؟؟:sm5:

لا ..وكلنا نعرف ان الواحد لصار على لحم بطنه فعز الله ان نفسه في تصير في طرف خشمهpb131 >> يقولون ان نسبة

الجليكوز اللي في السكر تدحدر الى صام الواحد:sm3:

وبعدين الدراسه تعتمد على التركيز والاستيعاب ..وماضنتي لا المدرس يبي ينتج.. ولا الطالب يبي يركز..

فضلا من انه يستوعب:(
http://images.google.com.sa/images?q=tbn:IXgXp4efNSeHZM:ht tp://weblog.hajhamid.com/archives/mah-ramezan.jpg

لا والمشكله يقولون ان مهنا فرق بين رمضان وغيره ..وهم مفرقين في وقت الدوام pb192

يعني ليش ماصار الدوام مثل العاده pb131 >>> لاحنب اللي نمنا ولاحنب اللي قمنا (عسى مهيب عقوبه)

لا ..ومشاورك لحاله يخليك تعاف الدنيا ومن فيها pb131 تطلع مع موظفين الحكومة وموظفين القطاع الخاص

والاشارات تولع وتطفي عشر طعش مره وانت في متسانك ماتحركت .. لا عاد من زين سواقة ربعنا>> تكفى ياراعي

الطاره

ربيعنا في هالشوارع الواحد منهم تسن محدن مستعجل ولا وراه دوام الا هو .. هذا يخطم عليك ..

وهذاك يحدك .. والا خر واقفن عند الاشاره مع جهة اليمين ولا عبر اللي وراه اللي مايقصرون

بتعليق البواري >>مدزدين فيه وياحلالات من يقشعه بصدام الموتر الين يعرف ان الشارع مهوب ملك امه >>> خربت

الاخلاق

فبالله عليكم عقب هالمشوار وين تبي تجيك نفس انك تشرح او انك تسمع للشرح ؟؟

http://images.google.com.sa/images?q=tbn:c47WMsR3CbVrfM:ht tp://www.al-hurriya.com/sound/eid_93.jpg

لا.. والمشكلة بعد إن الدوام الين تاريخ 24.. يعني يمكن تصير ليلة القدر في ليلة 21 او ليلة 23

والله يستر لاتجي سنة مانعطل الا اذا قيل ترى باتسر عيد

ما اقول الا ياجماعة الخير رمضان فيه ليلة القدرخلونا تكفون نصوم رمضان بدون دراسه

.. (دزيم) ان (احن )نوافدز هالليله اللي هي افضل من الف شهرpb189