يابنت .

[احمد القاسم]

بسم الله الرحمن الرحيم


قصيده متواضعه . وان شاء الله ترتقي لذائقتكم .





لا ويش يابنيٌه عيونك تلزي= القلب ما يقوى سهام ٍ تكزه
كزي خفوقك لا بغيتي تعزي= والا رموشك ما تجيب المعزه

العام الاول ذقت موقف يهزي = هز الكيان الي ترى صعب هزه

يوم ٍ عبوس وسالفه مستفزي = يوم الهموم الي على القلب دزه

عشق ٍ طعن بالخاطر الي يحزي =شاف المراره واكتفا منْه مزه

وحول علي من كل صوب امتهزي = يمكع ضلوعي من كلام ٍ يوزه

مايدري ان العشق بلوى تخزي = مثل الافاعي تذبح الي تخزه

يابخت من هو عن عناه امتوزي = وزى معاليقه عن الي يجزه

وانا خفوقي من عناه امتجزي = وعيني تهل الدمع في كل حزه

يامن دعيت القلب نبضه ينزي = عسا حياتك وسط فز ٍ ونزه
وسلامتكم ..