أنت يا ليل الموادع يوم عن تسعين يوم ..!

[سعد السحيمي]

بسم الله الرحمن الرحيم


مساكم الله بالخير جميعا

نص متواضع اتمنى ينال اعجابكم



كنت احسب ان الهوى ينزع من الصدر الهموم=واكــتـشفــت انه بــدايه للـــهـــلاك و للضـــياع

وكنت احسب ان الهوى مثل السوالف و العلوم=وماعـــــرفت الحب حتى ذقت لحـــظات الوداع

انت يا لــيـل الــمــوادع يــوم عن تسعين يوم=من عــذاب اللي بزنزانه ولا شاف الشعـاع

قـيّـدوه العسـكــر وهو من عــرب و شيوخ قوم=سلسله فَـي اقدام رجلينه و الاخرى في الذراع

يا ربيع القلب انا بعدك على روس الرجوم=واكتم العبره عشان الناس قدر المستطاع

و ان بكيت امسح دموع العين باطراف الكموم=وكني ان هليت دمع العــيـن في سن الرضاع

و ابْتِعد خــايف من رجــالٍ على حـالـي تلـوم=ومستحي ما ودي يشوفون دمعي يوم فاع

انت قــربك جنه و بعدك كما لـفـح السمـــوم=ولــو قلبــي شمع كان امداه من فرقاك ماع

ودي آوصف لكن عيون خـــلق الله سهـــوم=خايف الحساد يوم الحسد في ذا الوقت شاع

وجــد حالي وجد مسقومٍ من النوم محروم=او وجود اللي ولدها راح في بطون السباع

او جود اللي ماشاف النعمه الا في الحلوم=جـــايعٍ ضمـــيان و عياله ضوامــيٍ جــياع

ذا وجودي بعد غاب اللي علي ماهو رحوم=وذا أقل اللي حصل لي منك يا شين الطباع

ارجعي يا علاجي و ياداي و تزيل الهموم=وان كتب ربي و جيتي لا تطـرّين الوداع

جعلني لك يالغضي دايم و جعلك لي تدوم=وجعلني ما آفارق عيونٍ ضليلات ووساع




أخوكم / سعد السحيمي