مراسيل الهوى ~

[النداويه]

قلبي لغير الله مايعرف الخوف =والخاسر اللي في حياته ماخافه
لكن بلاني ربي بحب مطروف=والحب عالم مايعرف الكلافه
من اولا والوصل بارماح واسيوف=واليوم درب الوصل بالعين شافه
ودار الزمان وسجل الهجر باحروف=خلا عيوني دمعها له ذرافه
والكلمه اللي وقعت داخل الجوف=هزت سراجيف الحشا باحترافه
كل مانطقت بكلمةٍ صكها الطوف=طنّش مراسيل الهوى يوم عافه
اقفى وقال العهد يابنت منتوف=الله واكبر يوم زاد اعترافه
والعهد من بين المحبين معروف=العهد عهدٍ لو عطيناه تافه
جلست ابرر له مع الوقت باظروف=يمكن حنين القلب للقلب حافه
وقلبي بعد فرقاه ماهو بمكلوف=يِتٍعب قدم رجله لا طوّل وقافه
ومادام حزني والسهر منه مخلوف=باشد عزمي عن ديار الجنافه
وان مر في يومٍ وشفته بصادوف=والله لايبطي ونون عيني ماطافه