الشعب يبقى والحكومات تنهار

[الطائر المهاجر]

الشعب يبقى والحكومات تنهار= والعاقل اللي عارفٍ وش مآله
مهما بلغ قوه وهيبه ومقدار = يجيه يومٍ ما حسب لاحتماله
ومن لااعتبر بالغير فالوقت دوار= قبله حلاحيل رحلوا في عجاله
ارجع الى التاريخ تنبيك الاثار= فالله من فرعون شهدت زواله
فمن لاحكم بالعدل في عزم واصرار= يقشعه شعبه لو تمادي بضلاله
الله مع المظلوم ما عنّه استار= يكفيه تال الليل يشكي حواله
والله جبارٍ على كل جبار = والرابح اللي خايفٍ من جلاله
يرأف بشعبه مايعرضه لاخطار= ويشفق عليهم بالعطف قبل ماله
ويكفل لهم عيشٍ كريم ومدرار= ويرهي عليهم لو خسر من حلاله
ولا يترك الفرصه لحاقد وغدار= عينه على داره بحث الحثاله
من كل نذلٍ جا من بعيد الاقطار= او جاهلٍ مخدوع صدّق مقاله
ويرجي من الرحمن ما يقرب النار= ويغفر ذنوبه عن عمد او جهاله
فكل بهالدنيا على الجسر عبار = والكاسب اللي طيباتٍ فعاله
ما غره بدنياه ربعه الانصار = ولا جاه او مالٍ تعب في نواله
او جاه من ورثٍ من جدودٍ اخيار= او نهبةٍ خذها بمكر او حياله
المال يفنى والرجل طيب تذكار = بافعال تبقى ذكر بعد ارتحاله