خلينا نصير أغراب

[دخيل الازوري]

مسافر ياهوى بالي = وناوي شد ترحالي
تعبت وماتت امالي = وهذي آخر أخباري

بغادر ديرة العشاق = وبغفر زلتك بفراقك
وبطفي جمري الحراق = وامسح باقي آثاري

خلينا نصير أغراب = ونهاية قصة الاحباب
يدونها قلم وكتاب = ذكرى بزحمة أسفاري

قررت انا النسيان = تعبت اطارد الدخان
وتمنيت الهوى ماكان = محطة بسكة أقداري

مات الهوى بعناد = وخلصت قصتي ببعاد
وانا لي بالشعر ميعاد = وهذي آخر أشعاري