ابعد عن الدرااار ,,,,,

[حرف وشعر]

ياحلة (ن) تحوي تفاصيل واسرار= وافيتها في منتصف من شهرها
في موسم(ن) مابين مارس وايار=في شعبة(ن) معزولة(ن) عن بشرها
عذب(ن) هواها ماتخالطه لكدار=صافي سماها تبهج اللي نظرها
اطيورها تشدوا علي غصن لشجار=تلهو وتقطف من مشاهي ثمرها
ازهارها مابين نرجس ونوار= وانوارها تعكس محاسن قمرها
اسري لها لاضاق صدري من الدار=واتم فيها لين يصفوا كدرها
نفسي تعاف الهم واسباب لكدار= والنفس تبغض من يسبب ضجرها
واحط مدلاتي علي موقد النار=مدلات بدو (ن) ماتخافت جمرها
واذكر وليف (ن) فرقتنا به اقدار=ذكراه دامت لوتقادم وطرها
جار(ن) وجار القلب مغلاه من جار=والنفس ماتنسي حبايب عمرها
والشوق يجبرني علي بوح لشعار= يوم المشاعر ماتكاتم خبرها
كتبت شعري والهواجيس خطار=ضيفانها عذب القوافي تسرها