خواطر شعرية

[عبدالله المرشدي]

لو زاد بعده يوم سبـب جنونـي
وانا صراحه ميتٍ فـي جنونـه
صادق بحبـي مايفكـر يخونـي
وانا بعد مثلـه مافكـر اخونـه
ظني بمحبوبي لحبـي يصونـي
حتى ولو ماصان حبي بصونـه
يامر على روحي وكلي يمونـي
وانا عتابه بـس ماقـدر امونـه
غيره كثير اللي لوصلي يبونـي
وغيري كثير اللي وصاله يبونـه
بالله ياللي فـي مكانـه تجونـي
لاصار غافـل مـادرا لاتجونـه
لانه يخاف من اصل طبعه حنوني
مشاعر المجمول جـدا حنونـه
عن حال ملهوف الحشا خبروني
وعن حالتي ياليت لو تخبرونـه
قولـو بحبـه كاثـراتٍ ديونـي
قلبي بحبه غـارقٍ فـي ديونـه
مانساه لو باحلى البني خيرونـي
والمشكله لـو كـان بيخيرونـه
ياناس احبه صدقو واسمعونـي
وان ماقتنعتو ليتكـم تسمعونـه