الوقت هذا صار وقت المشالح

[احمد الجريفاني]

اذا غلطت وقلت : غلطان سامح=افضل ؟ او ان رديت ماني بغلطان؟



احيان تغلط وانت ناوي تمازح=ما جا ببالك يفهم المزح حقران



المزح لو جا بعض الاحيان جارح=لازم نعده بيننا زلة لسان



اللي يحبك ماهو لجل المصالح=تلقاه لا شاف الخطأ يصلح الشان



يحكم على النيه وصدق الجوارح=يرفض ضميره يتهمك دون برهان



لاصرت فاسد طبع لو قيل صالح=ما يلحقك من مدحهم غير نقصان



حظيظ من عند الولي صار رابح=وحظيظ منهوا قابل الظلم باحسان



به ناس اريد المعذره ماني شارح=الزول كشخه لكن المخ تعبان



لامن مسك له سالفه طار فارح=عمره كبير ولاحكى حكي ورعان



لاذاق حالي قال : با الحيل مالح=ولا شاف ناقص قال : ذا اكمل انسان



الوقت هذا صار وقت المشالح=من ما لبس مشلح يسموه غلبان



يعتز من لبسه ولو كان طالح=متسلفن بشته من فلان وفلان