هجوس الشاعر

[مهاة الروض]

هذه القصيده من الاشيف.. اتمنى ان تصل الى درجة اعجابكم..


هجوس الشاعر
يطيب الفال لا صار الصدر متوازنٍ بالعين=ويضيق الصدر لا منه بعجزه صار مجذومي
ونا..ألحي يحييني بقافه لا غشاها الزين=بعذبات المعاني ما لحقها النقد واللومي
هجوس الشاعرٍ اللي هاجسه ما يلتفت للشين=يطرز في حروف مذَهَّبه من طيب العلومي
يبي عز ومعزه باللباقه متقن التمرين=على سلم الرجال اللي على عادات القرومي
الى منه تغزل فالشرف ما لامه الجنسين=والى منه تحدث عن قضيه قال مفهومي
ولو إنه طرحها للذي يقرا يزول البين=ولو إنه شدى تلحينها بالصوت شغمومي
وهذا ما تمنيته يجي بالشعر يالغالين=على نهج التقى ولا ترى ما هوب ملزومي
هجوس الشاعرٍ اللي هاجسه ما يلتفت للشين=يطرز في حروف مذَهَّبه من طيب العلومي
عبدالله الشويمان-الرعد 16/10/1426

وسلامتكم


الشاعر القدير عبدالله الشويمان


قصيدة تعجز كلماتي عن التعليق عليها

لا اجد مااستطيع ان اعبر به الا ان اقووووول صح لسانك


ودام ابداااعك


تقديري