عادي واشيل الجرح لوجاب ماجاب

[حي الضمير]

الجرح عادي لوبياتي من اقراب=ياللي تقول جروح الاقراب تعمي
عادي وفيني الجرح عامين ماطاب=من اللي حسبته شايل اليوم همي
عادي واشيل الجرح لوجاب ماجاب=ثابت ولاني مغير اليوم سلمي
رح خبر اللي بالخفا طوَح عتاب=وغنا على جراح الزمن يابن عمي
على جروح الذيب لو ينعق غراب=ويتبع نعيقه خمسة ضباع قدمي
ماضر ذيب طويق لوكان منصاب=لو قيل ينزف طول الاعوام يدمي
اهـيم بالعليا على روس الهضاب = ولامنهم اللي ياصل حدود رجمي
وان قيل مات الذيب عن دنيته غاب=ياضباع هيتي وانهشي اليوم لحمي
عمي ولمي ظمي جروح الاحباب=ومن دم ذيب طويق ياضباع شمي