كشكول ضاامية الود

[ضاامية الود]

يالوايلي ياطراد يابن الحلاحيل=يامرحبابك عد نجم ابسماها

وعداد رمل الارض وعد الزاويل=وعداد مايمشي عليها وطاها

جني حروف امبهره مابها ميل=جزلات بالمعنا من صميمه نقاها

امنقياتن تعزف بالمجالس مواويل=ويطرب لها قلب المعنا هواها

احروف تشرح الصدر واتزيل=وتزيح عن قلب العنا ماحواها

هم وهواجيس اوعنا ماخذن كيل=ماخذ بها امتياز علي الرفقاها

وانطلب والي العرش من حملنا يشيل=وانصبرعلي المكتوب لحد منتهاها

يالي بعثت الرد دربك تساهيل=عسى السعاده ربنا لك عطاها

ودنياك هذه اليوم فيها التهويل=دنيا الله يكفي شرها ومن شقاها

شفت الولد يقالد البنت بالحيل=ولاتنعرف شبانها من نساها

وعسى الهدايه للمسلمين تدليل=ويحمينا رب البيت من كل بلاها

وصلو علي المختار عد التهاليل=وعداد مابالبيت وللمكه نصاه