{ صـكـات الأيــام } جديده

[مهدي الحبابي]

بدون مقدمات فقط ارجو ان تنال ولو على القليل من رضاكم واستحسانكم




آه يا حلمِِ رسمتـه علـى حـد الخيـال= واه يا عمرِِ قضاء بين طيـات الحيـاه


وأه يا صكات الأيام والوصـل المحـال= والطريق اللي دليل الليالـي فيـه تـاه


واه يا بعد المسافة ويا شوق الوصـال= ويا تصور موقفِِ يجمع أثنيـنِِ أغـلاه


واه من ضيقات صدري ومن كثر الجدال= بين هاجوسي وفكري وقلبي في عنـاه


وجعل جدرِِ ما وجد به كنان ولإضـلال= ينهدم قصرِ ِ من الطين ما يـذري ذراه


ويش ابي به لو مبانيه توصف بالتـلال= اسم مبنى ما يزبـن دخيلـه لا نصـاه


والمثل قال الرجاجيل توصـف بالجبـال= والجبال الابعض منها رفيـعِِ مستـواه


فلا تقول الطيب لهل الوفاء صعب المنال= أشهد أن الطيب وهبه ومن يشقاء لقـاه


بيض الله وجه رجلِِ لمـا جالـه مجـال= كاسبِِ كلمة نعم صار لـه وجـهِِ وجـاه


فالشدايد يرتكي ما ذخـر حـالِِ ومـال= يرخص الغالي بوقته ويا مطيـب نبـاه


وعقب الله فالمواقف ما ياقف بأحتمـال= وعقب اللي ما يشرف ربوعه واخويـاه


فيا زمانِِ ضاع فيه الوفاء بين الرجـال= ضاع فيه الحق حتى معى بعض القضاه


وضاع وجه السالف بين ترديد السـوال= وانتظاره للإجابـة معـى كـل اتجـاه


ورسم الامال العريضة على خد الرمـال= ودفن سر السالفة قبل يظر فـي ثـراه


وكل نور يشع يبدى معه حلم الوصـال= ويفرح الغرقان لا من وجد طوق النجاه