بين الأمس واليوم على النطاق الضيق و (قصيدة المانعيه)

[ضاامية الود]

هذه القصيده من ارشيفي اتمنى انت تصل الى ذائقتكم..




قصيدة المانعيه

قال الذي شاب وتذكر لماضيه=ودع صباه ومشى بالشيب مشواري
وداع يا ماضي الطيبان وجلديه=وزبير وكعابها وعظيمها الساري
وم التسع والعبيسه وطاق طاقيه=والعابٍ اخرى توارت مالها طاري
كانت لنا العاب ضمن العاب شعبيه=في ماضيٍ من زمنا الغابر الواري
روح زمنها وودعنــاه كليه=واليوم صرنا بزمان علومه كباري
كوره ودوره مع سباقات دوليه=والعاب خطره على كثبان الاقفاري
بطر الحناتير مع دراج ناريه=وسط النفود ستباحت عرقه الصاري
الله يستر عليها من العطوبيه=ويستر علينا وعلى ركابها الضاري
فيها مكاين من الترهيم شريه=لا زمجر قزوزها كذح الشرر ثاري
سوت مضامير تشعطها سطاويه=بالمانعيه صباح وظهر واعصاري
مانيب حاسد ولكن العجب فيه=بس أتفكر بسخرة ربنا الباري
والمانعية بقت بقعه سياحيه=زوارها من قريب وبعاد الادياري
سلوى وتشجيع من يقدر بملويه=يطلع الى راس عرق الرمل متماري
لعبه جديده بهاذا الوقت دوريه=وسط صعافيق شرق المذنب إدياري

عبدالله الشويمان-الرعد

مع تحياتي للجميع




عبدالله الشويمان

جزله من راس جزل

صح لسانك وقلبك

وحروف قلمك البراقه

علي الأبداع الراقي

الحروف الجزله في معانيها

تقبل خالص تحياتي وتقديري

اختك