اعترف لك

[مهاة الروض]

اعترف لك كان تبغين اعترافي = انك لوحدك سكنتي بالضمير
واعترف لك انني في الحب وافي= كيف ما تدرين عن قلبي الكسير
اسألي روحي اذا منّي تخافي = والمسي النبضات بالفرحه تطير
طيري اللي منك منزوع الخوافي = وش جنيتي يومه بسجنك اسير
مهجتي والحب مثل النبع صافي= ليش ما نزرعه من فل وعبير
ذبلت الأوراق بعروق الشغافي= وماتت الأزهار في درب الحرير
تعرفين الحب ما يرضى انعطافي= كيف والهجران تبغينه يصير
كيف لي والشمس في حال انكسافي= كيف اجيب النور لعيون الضرير
اشتكي لليل وسنينٍ عجافي = واشتكي للبرد من حر الهجير
مابقى لي قلب يقوى للتجافي = راح عمري جاهلٍ وين المصير


اعترف انها قصيده تفوق الوصف

معااااني جزله من شاعرجزل

سجل اعجااابي

تقديري واحترااامي