إستغــــــــــــــــــاثه

[ابومياس]

اليكم هذه القصيده اتمنى ان تحوز على رضاكم..


إستغاثة
يالله يا مجيبٍ دعا شاعرٍ فات=يوم إلعبادك إستغاث ولطفته
رجل الهزازن حي ذكره وما مات=عند العرب شعره موثق وشفته
أدعوك مثله يا إلاه السموات=والارض وما فيها وكلش كشفته
منك الكرم يالله في كل الاوقات=وانت الكريم ان جا ضررنا كففته
تنشي مزون الوسم لقح مروات=غيثٍ يغيث القاع بامرك عسفته
لعبادك اللي مشتهين العطيات=والخير لامنك عطيته نزفته
ما غير كلمة كن الاهي يجي آت=غربيةٍ تنشي بها البرق خفته
تمشي على مهلٍ تهل المديمات=لين الثرى يجهض حياً ما ولفته
قريحتي جادت بتسعة هالبيات=والله لطيف وعارفٍ ما شففته
عبدالله الشويمان-الرعد


اللهم امين

|(((اللهم رب الشيوخ الركع والاطفال الرضع والبهائم الرتع

اعثنا بغيثك الذي لايرد)))


اخي الشاعر الرائع عبدالله الشويمان

جزاك الله خير على مابحت به من يانعة

صح لسانك مدد بلا عدد

تحياتي