دمع تحجر في عيونك قريته(بالصوت)

[عبدالله المرشدي]

دمعٍ تحجّر في عيونك قريته = حتى ولو حاولت بالرمش تخفيه
ما ارضى عذابك لو لقلبك رضيته= تفداه روح اللي يحبه ويغليه
حكم القدر لو هو بكيفي نهيته= والحظ لا عاند فلا شئ قاويه
قصر الأمل في مهجتي لك بنيته= انهار في لحظه على راس بانيه
مكتوب ياقلبي ولو ما اشتهيته = انك تعيش القهر والمر تجنيه
ومكتوب ياحبي ولو ما بغيته = انّا نتفرّق فالأمل خاب ساعيه
تبقين جرح نازفٍ ما سليته = وابقى بحلمٍ طال مافاق راعيه
وداعة اللي دون خلقه رجيته = وانا وداعة جرح مااحدٍ يداويه

ابو عبدالله

صح لسانك

وعلى شانك

قصيده راااائعه جدا جدا

تقبل تقديري وهذه الابيات كمشاركه


درب الهوى ياشيخ قبلي مشيته=مادري وش اللي بان لك في تواليه
ليت الهوى ممنوع بالشرع ليته=ياليت يسجن من سلك في مماشيه
كان استراح العاشق اللي لقيته=يكتب جديد الشعر باحلى معانيه
انته كتبت الشعر وانا قريته=وهاض الخفوق وشيشنّي طواريه
ابدعت يادكتور باللي حكيته=وعديت عن درب الخطا والمشاريه
حبيبك اللي بالقصايد شكيته=طايش بزينه مايمز مواطيه
يحق له مادامك انته هويته=الذيب ذيب ولا تخيب مساريه