حلفت انا ما احب غيرك وانا حي

[محمد العيباني]

حلفت انا ما احب غيرك وانا حي = وحتى بدار الخلد غيرك ما ابيها
البيض كل البيض عندك ولاشي= تكفي بك الغيره وانا مشتريها
لانّك تحبيني على الحب تخشي = لكن اذا زادت فانا ما ارتضيها
نفسي عزيزه لاتعدي وترهي = تشوم في لحظه فلا تخسريها
فلا نيب طفلٍ تامرينه وتنهي = شيهان نفسه ترفضك تخضعيها
تؤمن بشرع الحب ما فيه تكفي = ولا به مصالح بعضنا يرتجيها
يا منيتي ودي بك اليوم ترضي= واعيش سعدي والحياة ابتديها
دنياي دونك مظلمه وانتي الضي = والروح تشكي والحزن مبتليها
الوقت يحرقني بدونك فلا في= وانتي الدفا فالشمس لاتحجبيها
عهد المحبه بيننا ليه تجفي = طال العذاب وعيشتي ما اهتنيها
عودي ترى قلبي تزايد به الكي= وروحي تبي روحك فلا تحرميها


صح لسانك مليووون

تحفه نادره تستحق الاعجاااب

تقبل ارق تحيااا