(ســر يــاقــلــم ) .. ..

[عبدالله بن عسكر]

سر ياقلم واكتب وش اللـي طرالـي
اكتب على بيض الورق صافي الشوق
سر ياقلم بلّـغ عزيـز(ن) وغالـي
بلّغ سلامـي داخلـه عـذر مرفـوق
قلـه غـلاه مشيـدٍ بـرج عـالـي
ماظنتي مثله يجـي جنـس مخلـوق
يومه طلبنـي مطلبـه صـار عالـي
كايد على أهلي والقدر باقنـا بـوق
هوكـان يطلـب سنـة الله حلالـي
لكن ظروف الوقـت تعوقنـا عـوق
من عقبهـا جانـي ودمعـه همالـي
قال الفراق أرحم ولا حـب وحـروق
من غيبتـه تصفـق يمنـي شمالـي
والحزن حولي صار كنه كما الطـوق
كني أشوف المـوت بالعيـن جالـي
أبطلبه لامـت يوفـي لـي حقـوق
ان مـت يحضرجثتـي مـع خوالـي
يمشي مع أهلي والنعش ماسكه فوق
واليا دفنوني وسط قبـر(ن) لحالـي
أرجيه يذرف دمع الأعيان محـروق
وقله تقـول أرجـوك حقـق آمالـي
ان جاك بنت(ن) عقبنا سمها (شوق)
وقلـه تـراه مخيـمٍ فـي خيـالـي
واسمه نقشته بين شريان وعـروق

الله حسبي

ليتني ماقريت هالمشاعر الداميه

ربي يسعدك