الحب في الظروف الصعبه

[منيع احمد القرني]

من حقي انشد عنك لا غبت ساعه =طبع الحبيب اللي تغيب حبيبه
محبوب عيا لا يخلي طباعه=ومحب عنده كل الاشياء قريبه
وان جبت مية عذر مالي قناعه=في عذر دايم وانت عندي تجيبه
حتى ولو جاملت لك باستماعه=لاني مجمع لك محبه وطيبه
وحتى ولو حصلت سمع وطاعه =هذي طبايع في المحبه غريبه
حولي من اصحاب المحبه جماعه=يشكون مثلي والسوايا عجيبه
عندي لحبك قدرة واستطاعه=تجعلني اصبر في الظروف العصيبه