المساعد الشخصي الرقمي

مشاهدة النسخة كاملة : يا تل قلبي كل ماقمت صليت


الصفحات : 1 2 3 [4] 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67

عمر ال شيبي
22-04-2011, 12:46 PM
أبيات مسندة للشيخ بدر بن فهد البليهد
بعد عدد من المساجلات بيننا**
*
ياونتي يا بو فهد يوم راعيت=هاك*الهبوب الي يسافي على ارطاه
زاد الوجع ولا انا بيوم ما نسيت=وش عاد لو قالوا بتسلا بلياه
وايتل قلبي كل ماقمت صليت*=على الذي ضيّعت الاركان لولاه
ما شفت عينه غير بأني تهقويت=ونا اخبره لا أذّن الفجر لبّاه
اطهر من الساجع بمكّه ليا جيت=وانقى من الماء لا جرا من علولاه
اكميت حبه واذكره كل ما امسيت=ويْون قلبي كل ما اكميت طرياه
يحفظ كتاب الله وياما تهنّيت=بايّات ربّي كل ماترتّل شفاه
سميته من الجن ومخلوق من ليت=وسود القلوب تحرف العلم لي ياه
الي على شانه طوالٍ تعليت=مندوبي القاف المعنى لنجلاه
لولا مخافة يشمتون الهلافيت=ويقال اخو خضرا تلوّى من اقصاه
جبت الذي منّه يحن الطواغيت=والجن تامن يوم تبصر بمعناه
سمعت في شيمة ووافي وصديت=حتى بلي قلبي و*يازين بلواه
لو مت تحت السيف من شانه رضيت=ويموت لو رجلي بها شوكه ، افداه
الي يخاف الله وفي ذكره يبيت=ونا اخاف الله وآدوّر رضاه
اليوم كل عروق جسمه كباريت=وكبده عليها سم والقاز عيناه
طريح فوق البيض والموت توقيت=*بينه وبين الموت يومه ولا جاه
ليته بخير وكان قد مات انا ميت=ولابين قبري وبين قبره سوا اياه
لوهو يطيب وقيل فتّح ، تشاويت=علّي فداه ودون حزنه و أّوّاه
بعثتها لك ونة ٍ ما استونّيت=ولو شفتني ما بان همي ونا ادراه
اضحك مع الصاحب ولا حس ما اكميت=وارجي لنظر عيني من الله ما ارجاه
دزيتها لك يالجبل يوم دزيت=ياشيخنا الي كلنا عند يمناه
لله درّك يالبدر ذايع الصيت=شروى ابوك بطيب راسه عرفناه
كبيرنا وحنا صفوفك ليا شيت=ما غيرك احدٍ يوم كبرت تبعناه
شيخ الفعول وشامخ ٍ ما استذليت=الا لربّ الكون ما أعظم الله*
سمتك تواضع ذاكر الله للفيت=والي يضيّع حق ربه كرهناه*
*

روعه بارك الله بك وصح لسانك لا هنت