سلمان ابن عبدالعزيز

[احمد الجريفاني]

غيث الرياض وسيل وادي حنيفه=ابو فهد شوق الامور العظايم



العاصمه من صار سلمان ريفه=ماعمرهم قالوا شكت ضيم ضايم



تبصر برايه عين حيٍ كفيفه=تاتي على قدر الرجال العزايم



الحق كامل ما تجيك النصيفه=في شرع حلال العقد والخصايم



ما يلتفت لاهل النفوس الضعيفه=ولا قد سمع في نصرة الحق لايم



صديق لاصحاب النوايا الشريفه=عدو لارباب الفتن والجرايم



يهولهم سلمان لا سل سيفه=اللي يعدون الاوادم بهايم



الحر الاشقر يطربك في رفيفه=لا جاك من فوق المقانيص حايم



ابو فهد ما يذكر احدٍ وصيفه=راس الشكيمه من فحولٍ شكايم



وقت اللقا ماهو يعرف النكيفه=عن خوض ساحات الوغى ماهو شايم



ما غيًره كثر الثنا والوظيفه=متواضعٍ لله ساجد وصايم



ربيع للي فادعٍ به خريفه=نصير للي حطمته الظلايم



رح له تعرف شلون يعنى بظيفه=يسفح كرم سلمان قاعد وقايم



سيرة سليل المجد بيضاء نظيفه=تفاخروا به لابسين العمايم