كل واحد يحط في اللي قبله بيت شعر <<<< للشعراء

[ابو أنس]

ياابن الطنايا يوم علمك لفاني=تشكي وقلبك صابه الريم باتفاق
قبلك وانا وبمخطره قد كواني=كوية معلم نافذه دون إحراق
ربي خلقهن للمشقّى عواني=يغشن حياته كلّ ما خاطره راق
لو ما رمنّك بالتفق باليماني=يصطن على قلب المشقّى بالاحداق
يابو محمد كن حرفك قراني=اطلقت انا تنهيدت(ن)كلها اشفاق
أخشى على قلبك يذوب ذوباني=والترف غافل ما تحرّك ولافاق
ان جيت اباقول اتركه صرت جاني=قلبي وقلبك مع هوى البيض منساق
خفّاقنا خطر(ن)يفجّ المحاني=وان شاف زول(ن) مقبل(ن)رفرف وماق
مالك جدا غير اجترار الأماني=وقرطاسة تكتب بها نزف الاشواق

لك خالص الشكر
وان كنت قصرت في الرد وأبطأت فذلك جبلتي
وعذري حسن تقبلك وطيب خلقك الذي جرأني
لك عاطر التحايا ووافر الود