اذكــــــــريني

[فارس القوافي]

كسر.. روحي مو مثل كسر العظام = تبطـي اسنيـن العمـر ماتجبـره
مابكيتـك يازمانـي مـن عــدام = شقق الخافـق جـروح ومجـزره
وسط قلبـي نـار وبعينـي ظـلام = عيشتـي قشـرا وفيهـا دهـوره
من ذنوبي أنحـرم حتـى المنـام = كلّـي اوهـامٍ وكـلّـي بعـثـره
ليت دمعـي مافضحنـي والهيـام = ولا غمستك يالقلـم فـي المحبـره
برحل الليله قبـل منهـي الكـلام = بتـرك الكلمـات عنـدك تذكـره
اذكريني لا انقضت عشريـن عـام = واذكـري حـبٍ قدرنـا نهجـره
صرت انا الظالم بعينـك ياحـرام = ليه انا المجـرم وحبـي اغـدره؟
لاتناديـنـي بـدعـوى الإتـهـام = جعـل قلـبٍ خـان بيـدي اقبـره
الندم مكتـوب فـي كـف انتقـام = والزمـن عثـره تقابلهـا اعثـره
ان قدرتـي تكتبـي كلمـة غـرام = اكتبيهـا واذرفـي معهـا اعبـره
وان نسيتيني وسـط دنيـا الزحـام = طالعينـي فـي زوايـا المنظـره
بحرق اوراقك ولك كـل احتـرام = هذا انـا راحـل ومنـك المعـذره