يالهنوفي

[ماهربخيت الجهني]

بسم الله الرحمن الرحيم


وشلون انام وخاطري منك مكسور=يالمترفه يالغالية يالهنوفي
انتي الحلا في دنيتي وانتي النور=ياحايزه بالزين كل الوصوفي
لاشك من دونك فلاني بمسرور=يضيق صدره من لحالي يشوفي
الليل موحش والضيا صار ديجور=والقلب يرجف مثل رجف الدفوفي
يامهجتي ياغايتي لي متى الجور=ترى حياتي دون نورك خسوفي
ماشفت انا اصعب من رجل بات مقهور=تمضي حياته بين يأس وكلوفي
والحظ مايل والامل فيه مثبور=ولاتعينه همته والظروفي
يحس بانه حي باحساس مقبور=ولاله جدا ماغير فرك الكفوفي
أنا ادري ان الحب مافيه دستور=وراعي الهوى يمكن يحب ويعوفي
جودي عليّه بالوصل اقبلي الشور=كوني رحومه خلي قلبك عطوفي
الجرح فيني مايداويه دكتور=جرح المشاعر يلزمه من يروفي




صح لسانك وعلا شانك مدد بلاعدد لله درك

قصيده جزله من شاعر جزل تقبل مروري

لك منى كل ود واحترام