قبيلة سبيع( الغلباء)

[منصور السبيعي]

الشاعر الكبير/ عبد الله بن غصن آل علي السبيعي رحمه الله رحمةً واسعة..

كان من سكان الحائر وقد سافر لمصر لآزم بدى له؛؛ فقال هذه القصيدة:



دار الفكر مني ثم درت مشاعري = بأمثال ما دارت على فكر شاعري
تعاليل ما بيني وبين هواجسي= علاقة عنا مابين قلبي وناظري
جفا النوم جفني واستجابت جوارحي=ولو لا غرام القلب مابت ساهري
ينام الذي قلبه من الهم خاليا=ويسهر من همه على القلب دايري
أنامن قرى نجد اليمامة موطني = ومن قرية الحائر وتلك الما ثري
احن إلى تلك الديار ولي بها=حناناً وحلماً ماسلا عنه خاطري
إذا طاف بي فيها خيالي حسـستها =نعيماً على قلبي وقرت بصايري
مرابي المها وارض البها والذي بها =غزال على شوفه نسوق البشايري
طبيعية الأخلاق والخلق كلما =يبان البها تظفي علية الخمايري
تجيد الهوى بأربع وتسعين لهجة =أفانين يجهلها قليل الخبايري
حياوية من كل ماكان مخجلاً =نجيلاً على من راد منها برايري
الأ ياعنا قلبي وياكثر لوعتي =وياحر أشواقي لتلك الحواجري
عيونٍ عيون السحر فيها وحولها =وعنقٍ طويل كاسيته الظفايري
وصدر لها عال على هافي الحشا =ونبا عن خواصرها رفيع الحصايري
إذا أدبرت تمشي ويهتز عودها =تذوب القلوب وتستفز الضمايري
وإذا اقبلت تفرح قلوب حزينة =بحكم الهوى يركع لها كل طايري
أقدم لها قلبي وروحي هدية =عسى تقبله مني خيار التجايري
ألا ياسنا يا أم المناغاية الهنا =الأتذكرين مولعٍ فيك حايري
ذكرتك وانا في مصر والكل سابحاً =بغبة غرام المترفات النضايري
فتىً فاتني عمري وأنا ما عرفتهم =وانا قبلهم في عفة الحب سايري
حدوني وحدُوني وحديت جمعهم =ورمت النجاه وعارضتني عثايري
استبشروا حالي وبالي لغيرهم =لافقت من سكرتهم أذكر ذكايري
وزادوا علي وسادتي عامل الهوى =وأيست من روحي وهلت عبايري
متي طاف بي هاجوس طيف من الهوى =ذكرت الغزال اللي عن الناس ذايري
يجي دونها القناص ما نال نولها =يذوق الحفا من دونها والعزايري
مداهيلها كوٍد على من يريدها =مداهيلها روس الجبال الوعايري
بعيدٍ عن السرحان والنمر والفهد =وعن الأسود وناقلين الذخايري
ألا يا بعد غيدٍ غديدٍٍ غدابهن =ظلام الجهل فالليل والنور غايري
أدوات سمار وتسلات خاطرٍ =وتضييع وقت مكثرين الخسايري
رفاقي يشوفون الحلا والملذتي =بمصر وأنا اشوف العنا والنكايري
بلاد بها كثر التماثيل عبرة =أشباح بغير أرواح ياذا العبايري
اذا صار لادنيا ولادين عندهم =سوى الزور والبهتان والحكم جايري
فلا خير في دار رخاها حرامها =وتخسى رجالٍ ما تصون الحرايري
خراب وشراب وزاد والحلف بالنبي =على الشرك بانين قصور وعمايري
عسى الله يديم امجادنا في بلادنا =وعسى الله يبور بملزمه كل بايري
ترانا العرب واصل العرب قمة العرب = أصحاب الوفا وأهل السيوف الشطايري
لنا الفضل فالدنيا وفالدين والأصل = هل الهمٌه العليا الى صار صايري
جبلنا على الأخلاق والدين الهدى =وحكامنا مثل الجبال العسايري
يعزون مظلوم ويردون ظالم = ويعطون مٍحتاج ويهدون زايري
يعينون مكسور اذا ما التجابهم =فكم واحدٍ صاروا لعظمه جبايري
عسى الله يعز أهل النفوس العزيزه = ويضفي على خلاتٌهم بالستايري
أنا فرد عادي ٍولي بس فكرة = أبااقولها لوكان تقلع ودايري
أعبُر ولا ادبر سوا دبرة الولي = ولانيب سياسي ٍولا نيب ثايري
أخاف الخطا وارجي العطا من راع العطا = جزيل العطا عالم خفي السرايري
فيارب سامحني وبدٌل خطيـٌتي = بحسناك يا عافي عن أم الكبايري