القلق والخوف / جديدي

[عبدالكريم العياش]

http://t2.gstatic.com/images?q=tbn:ANd9GcSeNqDpPm3LC fvh-UnjPQMCa-Z4KvABwcMRnNn89QfYtWOOJa9HmmEB Xg (http://t2.gstatic.com/images?q=tbn:ANd9GcSeNqDpPm3LC fvh-UnjPQMCa-Z4KvABwcMRnNn89QfYtWOOJa9HmmEB Xg)
القلق والخوف/جديدي


الملل لادب باطراف النحيل = واستبد الضيق به لين اكتمه
صار هو والوقت والحيّز ثقيل = وتكبر اوقاته عنى ويثقل دمه
والثواني بين ليله والاصيل = شهقة(ن)تخنق كلامه في فمه
والغروب وقرص يترنّح عليل = كل صخب الامس موته يهدمه
وعودة امسي من ضروب المستحيل = والغموض بيومي المقبل سمه
ربما ياخذ خليل(ن) من خليل = ويقلب الدنيا ليالي معتمه
وربما يعطي لنا الخير الجزيل = ويمنح ابواب السعاده اوسمه
ذي معاناتي على الدرب الطويل = بالقلق والخوف عايش ملحمه
ودّي اهرب بس الاوين السبيل = والقدر غامض بدنيا مظلمه
وتمضي ايامي ولاعندي بديل = ماهزمني الخوف وازريت اهزمه
يافجاءات الزمن. صبر(ن) جميل = منك كم وجه(ن) غدى تقل فحمه
وكم تعكّر منك صفو السلسبيل = وكم غرير امفاجئاتك تزهمه
وكم بيوت(ن) ضحكها اتحول عويل = وانقلب صفو الحديث لعلثمه
والله ان اللي حصل ماهو قليل = ويستر الله كل مالا نعلمه