امس العصر

[ماجد الراشد الهيري]

أمــس الـعــصـــر

أمـس الـعـصــرجاني من الوقت تيّار=مدري امتضايق حالتي في جهيدي
اما غلب فكري على صوت الاشعار=والا غلب صوتي على كل جــــديدي
والساعه اللي في يدي دقت انذار=تجني على نبضات قلبي ووريدي
فكت صدر ولفت شماغي والاشبار=وانا على الله يفعل اللي يريدي
كني من اللي يطلب العلم والكار=ومن واقع الايام مـــالي رصيدي
يالله دخيلك من بلا الوقت لاصار=عكس اتجاهي وجايب اليوم عيدي
مــن يوم شـفـتـــه ياخذ يمين ويسار=بالهـــون كـــنّه في الحياة الفريـدي
أشــقـــر سلب مني موازين الانظار =ريم(ن) كما الاشـواق فيني تقيدي
لـهــفـــه تشــدد خافقي صحت ابنهار =من هــو يقول اليوم ماجـد وحيدي
هذا دفى عمري ووقتي والاقدار=ونفسي عليه اليوم زايد رصيدي
احلى من الورد الربيعي بالانهار=خشفن حور اوثق مطالق قيدي
حاولــت اكلمها من القلب واختار=اجمل كلام العشق فيها اكيدي
لاكن حسافه كل ما قلت له سار=خطوات رجله من صداها تزيدي
قلبي هواكم وابتدى اليوم مشوار=منكم انا ياشوق ماني بعيدي
تدري وش اللي حير القلب واحتار=هل هو حزين اليوم أو هـو سعيدي
من ضيقة بالصدر جـتني وهو مار=راحت وأنا في خاطري جا قصيدي

شعر\ماجد بن راشد الهيري