أقبل العيد ما فصلت ثوب جديد(بالصوت)

[عبير الورد]

بصوت المنشد خاز باز
http://up.fatahilah.com/up//uploads/9e98a22782.mp3


اقبل العيد ما فصّلت ثوبٍ جديد = دام هالعيد مثل العام .. كله سواء
ثوب واحد يكفّي دام ماني وحيد= مثل غيري من اللي بالحزن انكوى
كلما راد يفرح حسّ مثل الوقيد= داخل الجوف ماله لاعلاج ودواء
شايف الدين يشكي والمذله تزيد= والطواغيت تكثر في زمان الغواء
خلو العيد للي يستحق النشيد = من رفض ذل وقته ما مشى بالهوى
يبذل اللي بوسعه ماخضع كالعبيد= قدّم النفس شمعه تحترق وانطوى
تعطي النور للي تايهٍ او شريد = مالقى الدرب لو ضايقه ريح الشواء
خلوا العيد للي باع نفسه شهيد = يرجي العفو والغفران فيما نوى
لاتقولون ميّت حي يرزق أكيد = خالدٍ في جنانٍ وردها ما ذوى
دام هالموت واقع عنه ما من محيد= عزة النفس اسمى من حياة الثوى
من طلب للشهاده عاش عمرٍ مديد= ومن رضى بالمذله مات فيما اهتوى
دام صرنا طوايف.. افعل اللي تريد= يازمان التشرذم يحكمك من قوى
يتبعه كل ذيلٍ طامعٍ في الرصيد = في حياة دنيّه لاهثٍ ما ارتوى
لين صرنا نحارب بعض لاجل الضديد= كالغنم لاتناطح تجهل اللي عوى
لو تشوفه يلغّف بعضها من بعيد = تحسب إنّه تركها ماعليها نوى
لا متى ما نفكر قبل يومٍ شديد = يغرق المركب اللي فيه نبحر سواء
عيد مانيب يمّك لاتجي من جديد = ارفضك دام ديني في الدروب التوى





الله الله



صح لسااااانك ملايين


سلمت وسلم منطوقك الجزل


ربي يعطيك العافية