امل

[ماجد الراشد الهيري]

انثيت اليوم طاعه وأرتضيت =للاله اللي بذكره نخشعي
في رحيل اللي على قلبي عطيت=انثر الدمعات فيها واجمعي
ياأمل وجهك بقلبي مانسيت=والحزن ياخوك هذا موجعي
صوتك اللي خابره فيني مبيت=ألتزم بالصمت لاجا مسمعي
شلتها وانا من الحزن انتهيت=في قبر موحش وحيده تهجعي
وش بيدي لو انا منها خذيت=غير ضمة قلبها بين اضلعي
في ثرى الرحمن ودعتك وجيت=تدني الاهات مني بموضعي
أتخيل وجهك المنور لقيت=كل عبراته ونظرة ادمعي
من عروق القلب اكتب لك وفيت=دعوتي لله لجلك ترفعي
يرحمك ربي بجناته دعيت =في قصور الخلد روحي ارتعي


شعر\ماجد بن راشد الهيري
ارجو الدعاء بالرحمه لاختي امل ولاموات المسلمين اجمعين