رأيي .. و آقدّر كل شخصٍ و رايه

[سعد السحيمي]

بسم الله الرحمن الرحيم


السلام عليكم و رحمة الله و بركاته


ابيات متواضعه و اتمنى تحوز على رضاكم



جاني تشبّع من قصيد الشواعير =من كثر ما شوفـه وكــثر القـرايه

وكثر القصيد اللي يجي فيه تكسير =راعــيـه يــنـشـرها بليا عــنــايـه

و مستشعـرينٍ في اول الصبح و عصير=و الشعر منهم قــام ينطق .. كفايه

و كثر الوجيه اللي ماهيب المسافير=ياليــت لاشعار النــشاما حـمـايه

وكثر الفضائيات من دون تطوير =لا شعر .. لا فكره و لكن لغايه

شاتٍ كـلامه للمناعيــر تحقير =ناسٍ يعــدّون المغازل هوايه

ماهمهم .. اهم شي الدنانير=جـــنايـة يا كبــرها من جنايه

و اعلام صغّر شاعر و كبّر صْغير=و يصير له ضوء و ظهور و دعايه

احيان احس ان الشعر صار في خير =واحيان احس ان الشعر في نهايه

بس القصيد اللي يهز الطوابير =يبــقى ولا يفنى ولا هوب تايه

اشَبّه الاشعار في الوصف بالطير =و يصيده اللي محترف في الرمايه

و المعذره لا صار في القول تقصير =رايي .. و آقــدر كل شخصِ و رايــه

جاني تشبع من قصيد الشواعير =مـن كثر ما شوفه و كثر القرايه

حاله على الشاعر مع الوقت بتصير =و تزول اذا ربــي كتـــب له هـدايه






اخوكم / سعد السحيمي