*** القطب الشمالي ***

[عبدالله بن سعود]

يوم شان الوقت واللازم بدالي = قلت هذا الأمر من يقدر يحله

قمت أفكر في البعيد وفي الموالي = وإن ورد في البال غيره قلت لله

مالها غير أنت يا واف الخصالي = يا ذرا من مسه اللاهب وظله

يم أبو عساف شدنا الرحالي = دون بيته لا نحيد ولا نزله

خابرين إن الحمول إلها جمالي = وإن شيل حمول ربعه عادة إله

كاسبٍ علم جميل أول وتالي = كل علم فيه رفعة في سجله

في محيطه كأنه القطب الشمالي = خيرِ تلقى النشامى في محله

مورد لأهل الوفاء جمه زلالي = أريحِ كل محتاج يدله

الله يعديه صكات الليالي = ويرفعه يوم الحساب ولا يذله

لأجله أرخص للمراجل كل غالي = دون وجهه لو يروح المال كله

والله إنه ما ورد غيره ببالي = وإن ورد في البال غيره قلت لله

الشاعر الصريح العتيبي

اهلا بك وفي حضورك

الجميل

قصيدة معبرة

وجزلة

صح لسانك