(( صــدام حـســين )) (( صــدام حـســين )) (( صــدام حـســين ))

[ابراهيم عبدالحميد]

.






ياعين هلي دمعك اليوم يا عين =وابكي على ( صدام ) وابقي حزينه

صبح العياد بعام سبعه وعشرين= ذقنا المذله والقهر والغبينه

مات الفرح بقلوب ناس ٍ مصلين = جاهم خبر فعل النفوس اللعينه

وعم الكدر فينا وبتنا حزينين=اللي سكن بالبادية .. والمدينه

لحظات تطعن في صدور الغيورين = في يوم عشره والشهر خابرينه !!

جابوه مكتوف الايادي على وين ..!! = للمشنقه يمشي بعز وسكينه

ماهمته غير الشهادة على الدين = لعلها باخر حياته .. تعينه

يدري بها ماقال قوله تخامين = باني عليها كل كامل يقينه

ماقالها مره سمعناه ( ثنتين )= آخر كلامه كلكم سامعينه !!

توفيق ربه عند نشر الموازين=جاه الفرج يوم انتهت به سنينه

ماظنها توفيه كبر العناوين = نزف المشاعر بالحنايا سجينه

موته نسف عرف الدول والقوانين =واظهر لنا حقد النوايا الدفينه

الموت حق وكلنا فيه ماشين = وارواحنا للموت تبقى رهينه

مير البلا فيه النصارى مضحين = حتى الروافض ديننا تستهينه

في لحظة اعدامه يهز السلاطين = وشلون حال اللي معه جايبينه

شلة غدر واجرام روس الشياطين = كل الكفر بقلوبهم والضغينه

ماهتز شعره في وجيه الملاعين = الله على من قبله في جبينه !!

خيّب مقاصدهم وودع على الزين= مثل الجبل ثابت ولحد ٍ يهينه

والعار شفته في سكوت الملايين = والا ( العجم ) تنكر عليه وتدينه

حكام مدري كيف بالوضع راضين = اطيبهم اللي فعلهم شاجبينه !!

ماتت بنا النخوة وصرنا مساكين = دوس الكرامة كننا مرتضينه

إليا متى نبقى مع الذل واطين = موت الحرار ولا حياة الغبينه

وكل الود لقلوبكم النابضه به


محمد العسكر

إنحناءه من قلمى المتواضع لنبضك الصادق

رحم الله الشهيـــــــــــــد