ما جت لي الدنيا ربابه والقاء

[عمر ال شيبي]

ما جت لي الدنيا على كيف ما اختار = ولا جاملتني في صباي ومشيبي
ياما سقتني من الكدر كاس الامرار= وياما حرقَت قلبي بحر اللهيبي
حاولت فيها امرار وامرار وامرار = وتقول ودر منت تصلح خطيبي
خطيبي اللي تابعٍ كل تيّار = خانع ذليل إلا على اللي قريبي
يكذب ينافق ف المواجيب مكار = حصني مخادع بالسرق له نصيبي
ينصى كبار القوم في ذل واصغار= ويبوس اقدام الخدم والغريبي
ومن شان ما يخجل تلاقيه خمار = يدربي لراسه ما يحس المعيبي
مؤهله حاضر ولبيه باجهار = وف السر يقنب من حقوده قنيبي
ومن عقب ماهو ينعرف دوم طرار= لو كان هايف صار شيخٍ عريبي
كل يتقرّب له وبالشور ينشار = لو كان طبلٍ صار عقلٍ مهيبي
اما انت ياالطفران اشبارك قصار= مالك مهابه عند خل وصحيبي
هذا زمانٍ ما يبي جنس الاخيار = يبي حصاني ما تخاف الرقيبي
ثعالبٍ حطت من الدين استار = وحصانيٍ تخضع وتنهب نهيبي
وش فايده لا قلت حرٍ من احرار = ورافع لراسك وانت حالك كئيبي
وايضا فقير وما تلاقي لدينار = وغيرك منعم للمكاسب طليبي
ان كان تبغى العز العب للادوار = وخلك حصيني للمكر ما تسيبي
انت بزمانٍ كان مامعك دولار = تحس كنك في ديارك غريبي

صدقت وصح لسانك
الين انها طيبه من طيب