لجل انسى

[عمر ال شيبي]

زمان اوّل حلا واحسن من ايام ن غدت تقرف=تركت البيت لجل انسى ورحت بعيد اغْليها
الا يا صاحبي واسمع عليل القلب ما يطرف=على ارجوله غداة الموت يوم انه يواريها
يصير بحالة النسيان عمره يطول ما يعرف=غريب الروح غربّها ديار الود حانيها
وذا قلت الزمن يوقف تراني صادق ن مطرف=عن اللي تسحر الانظار تفتن من هقاويها
تصيد بشبكة ٍ سوده تصيد الها خروف اخرف =مِثل بومه على عشن زخارف حلوه مكفيها
ونا يا صاحبي ودي ولكن قلبيْ ما يغرف=مِن اللي حوليْ لو تدري بَوَصف من أهلّيها
أبيها كحلة عْيوني وبيها شوق ما يحرف=وبيها تشيل من همي وتسعد نظرتي ليها
وبيها من بني بدون تعد الزاد ما تسرف=كريمة خلق من عفّه ودار الكون نبقيها
نشيطه للولد تعكِف على العادات من يشرف=تربي الذيب كيف انه يسوس الضبع منجيها
مِن الاهوال لو غبنا ماْخاف بيوم لو اشرف=على المغراب ضي الليل بدر ٍ كان يهديها
الا يا صاحبي وافهم هموم الراس لك نجرف=لعلّك خير من يصغي يرِيح النفس يحْييها
تراني من بعد حُرّه معاد اني اقوم اصرف=وساويس الغثا تكبس على صدري مِـخليها
لجل ذكرى نجوم الليل ساع المجد لك نهرف=وذيب الليل ما همه مدام القلب له فيها