يوم السفر كلٌ يعزي كياني

[محمد العيباني]

ياقاف طاوعني بعذبات الاوزان = في وصف قامه كنها الخيزراني
الي رماني سهم لحظه بميزان= ساق الجوى والشوق جمره كواني
فيه الحوروالكيل يرجح بالارزان = ماله شبه بالحسن بين الغواني
يغار من طرفه بنات اهل لوزان = لولا جماله كان قلبي عصاني
اليوم عن شوفت حلاياه عجزان = ضاعت سنين العمربين ألأماني
حرام مابي غير شوفه ولي زان= والله مانسى بسمته لو سلاني
ياقاف من فرقته حلّني احزان= مكبول لوماصحبتك كنت جاني
الهم جزّ القلب والروح جزان= والزاد عقب افراقهم ماهناني
من والفك ياعُود من ليّن الزان= كنه في الجنه وغيره يعاني
الله يسقي ديارهم غيث وامزان = ماللسعاده عقبهم عهد ثاني
يوم السفر بالعقل مافاد دوزان = حتى الشجر لونه شحب في مكاني
تخنقني العبره وبالقلب خزان = يوم السفر كلٌ يعزي كياني


ياسلام عليك
عن جد ابدعت
ابيات يطرب لها الكيف
وتستحق المجاراه
من اقرب شاعر قد تلذذ بعذوبة ابياتك النادره

،

لو ماهلكني الشايب ابوحسين
يمديني مجاريها
من حين شفت اول بيت
،


مير صح لسااانك مليوووون
دبل مليووون



دبل ميلووون