حسبي على من صادني صيدة الضب

[عبير الورد]

حسبي على من صادني صيدة الضب= لا هو اكلني لا ولا اطلق سراحي
مير يتفاخر يحسبه صاد له دب = ونا متخدر بين نعسان صاحي
يقدم لي همبرقر يبي آكله غصب= وانا على اعشاب البراري نصاحي
حطيتني يازين في موقفٍ صعب = اسير عندك نازفاتٍ جراحي
خاف الولي ان كان تعرف من الرب = وبعني على صنداح والاّ فلاحي
يمكن يلاقوا لي علاجٍ به الطب= ويمكن اعالجهم بطعن الرماحي
لاشفتهم بالشات اهلي وارحب = والصدر يستاسع بكثر المزاحي
ويمكن نتلاقط بيننا هجو او سب = لكن من قلوب الطهر والسماحي
ومن شافنا قال الرزح قام واشتب= ولا هوب داري مزحنا والرزاحي
شات الفطاحل من دخل فيه يختب = ان ما مزح جاه المزح باجتياحي
فيه الوناسه ما احد فيه يعتب = ومن لا صلح له ينسحب بارتياحي
وفيه احترام الغير ما احدٍ بيغتب = كلش وضوح بعقل فيه انفتاحي
فصلٍ دراسي يدخله كل من حب = يلقى المشوره وكل علم متاحي
اخوات ويا اخوان من خيرة النخب = وما به خشاش صاب عقله كساحي
حسبي على من صادني صيدة الضب = شات الفطاحل يوم يكسر جناحي




ههههههههههههه



صح لسااااانك ملايين



سلمت وسلم منطوقك الجزل


ربي يعطيك العافية