تضيع الشمس

[عيدالماجد]

تضيع الشمس بالمغرب ويغمرنا ظلام الليل
يجيب الهم والذكــــــــــــــــرى يذكرني بآلامي
جروح الحب والآهات سالت من عيوني سيل
ارجعت بي لقصة الاحزان وقمت استرجع ايامي
وانادي للزمن كافي من افعالك طفح بي الكيل
سقيتك فرحة ايامي ورجعت تقول لي ظامــــــي
وتالي هالعمر وياك انا ماظنتي بي حيــــــــل
اكمل قصة آلامك وقصة جرحك الدامــــــــــــــــي
خذيت اللي سكن روحي وبقيت انا نديمي اسهيل
اشوف الحال بفراقه ماعـاد تشيلني اقدامــــــــي
وتميت الوحيد اللي تعب قلبه من التحميل
زياده عالهموم اللي شكت من حملـــها اعظامــي
حزين جالس اتامل واحلل قصتي تحليل
واهدي في جروح القلب دخيلك يايبا نامــــــــــي
ذبحتيني من الامك تبين بمقتلي تعجيل
وصرتي انتي مع وقتي جيوش تدمر احلامـــــــي
خذا مني الزمن عمري وبداله زادني تنكيل
ولكني على اطباعي كبير بموقفي الســـــــــامي
ولااتغير رغم جرحي اواجري بسكتي تعديل
انا واثق من ادروبي طبيعي يخطي الرامــــــــــي
مسير العمر ذا يقضي ومهما صاربه تطويل
بنغادر دنيا الاحزان ولكن ديننا اســــــــــــلامي
وصلاة اخر القصه على اللي جاله التنزيل
نبينا الهادي المنقذ وهذا مسك الختامـــــــــــــي