صوت يناديني(بالصوت)

[الطائر المهاجر]

كيبوردية
http://up.ftahilah.com/up/uploads/Mine/sootynadeeny.rm


صوت يناديني على تالي الليل = صوت الضمير وهاجسي شاغلني
قامت تطارد داخلي كنها الخيل = وتلهب حشاي بنارها ما تحني
كلما غفيت آفز لو واهن الحيل = حلم تكرر هالني وامتحني
اشوف قدامي فدام ورجاجيل = باوضاع ما توصف بشعر وفني
الراس تحت وواطي فوقه الذيل = والجو كتمه والعقل في تدني
والكل في الوادي ولا ثمن السيل= وصوتي يلعلع والصدى به يرني
محد سمعني ومن سمع قال ذا خبيل= خلك بنفسك واحسن بكل ظني
وان كان ما تصبر فدن المعاميل = واقلع مثل غيرك ترى ترجهني
ولا من حضرت لمجلس فيه تطبيل= طبل معاهم وان قدرتَ تغني
ولا من لقيتَ اللي يحدّث بتهويل= حدّث معه واخشع بصوت يحني
هذا هو الحاصل بوقت التماثيل = فاللي يمثل ما يعوقه تمني
وقمت اتفكر في رجال اراذيل = ووشلون وصلوا دون ادنى تعني
تغسل رويسك لين ما ينتهي الليل= وفي الصبح تركض في سلامك تهني
ومن قابلك حبّه وراسك بتمييل= واضبط كلامك في خضوع وتدني
ياسرع ما تذكر وتطمر ولو فيل= وكل الذيابه تحت خفك توني
يالعنبو هالحلم كله تهاويل = اشوى اني بنومي ولاذا بكني