حبيبي خذني بصدرك

[منصور الحبيل]

معاناتي




غريبه هالغرام اللي ضحك في وجه كل الناس =والى مني بغيت اضحك بوجهه كشر انيابه

غريبه والغريب اني غريب بين هالاجناس=وانا في وسط هالعالم ولا ادري القلب وش صابه

تلوى بي عذابي في زمانٍ فيه قوّة باس = واخذ ينهش وفي داخل خفوقي يغرس بنابه

حبيبي..لاتعاتبني ..تراني شاعرٍ حساس=حبيبي لاتناظرني بنظرة عين مرتابه

حبيبي..لاتناظرني بنظرات العتب والياس=حبيبي لك عيوني مابقى صبر اتلهابه

تعلق بك ولع قلبٍ تجرع من غرامك كاس=من اول ملتقى علمي بقلبي ليل يسرى به

تلقى له فجوجٍ مالها وجهه ولاتنقاس= وجا لك من ضمى حرّ الفراق وما تعنى به

حبيبي .. جيت بعروق العطش وشفاهي اليبّاس= ابا اروى من حنانك وارتمي في صدرك اسلى به

حبيبي.. خذني بصدرك ولاتسمع كلام الناس= حبيبي امسح دموعٍ على الخدّين منسابه

حبيبي .. يكفي اللي مبتليني من وجاع الراس= وقلبٍ ذااااااب كلّه وانته اول واخر اسبابه[/quote][/QUOTE]