مرثيه في شقيقي/ عبدالهادي الوذين المري

[الطامي]

الهاتف اللي لفاني في مسى الجمعه=كدر علي ليلتي والنـاس ممسينـي
قالو رفيقك رحل ثم خـرت الدمعـه=وانا قبـل ذا الخبـر همـه يبارينـي
جيته وهو منسدح وحييتـه بكمعـه(1)=ثم قلت ياهادي المنعـور توحينـي
من حر مونس احسبه مرخيٍ سمعه=واثري اخمن لعـل انـه يحاكينـي
من بعد ماييست منه راحت الطمعـه=طامع لحل يحيـا يطلـع يماشينـي
جريت زفرات باقصى الجاش مجتمعه=واقفيت من جثتـه ولـده يسادينـي
ياولله اللي رحل من بيننـا شمعـه=ويمين اضرب بها خصمٍ يعاديينـي
ياحي زولك ياهادي ماهـي برمعـه=قولٍ حقيقي ماهو قـول المصافينـي
بابطي وانا انعيك يانجمٍ خفى لمعـه=كني بن هدلان يافديـع القحاطينـي
يالصامل اللي لربعك لاحصل جَمعـه=انت اول الناس في شتى الميادينـي
ماقد ذكر في القرابه منكـم خمعـه=تشوم نفسك من اعلوم السفاهينـي
ويالله عسى كل نفعٍ ماهـو سِمعـه=وفرج على اللي قريـب والبعيدينـي
ينجيه من هول يومٍ فيـه مجتمعـه=كل الخلايق بيوم الحشـر والدينـي

كمعه: حبيته