استوى نظم القوافي المستغيضه
 

غبت عنكم طويلا واتيت لكم
بهذه المصافحه

امل ان
تروق

هيض الهاجوس فعل اهل الجهاله
واستوى نظم القوافي المستغيضه
كل جاهل قام يشرح لي خصاله
يدعي بالطيب ويسوي نقيضه
ياتمدح كل ماجاء له رساله
كنه الحاكم وقدم له عريضه
يلبس المشلح ويتعبد رياله
لو نصيته يوم ماصلى الفريضه
واعتذر لك زور واكثر في جداله
وان روحه لاجل خلق الله مريضه
لاسقى الله زرعكم ياهل البخاله
حق ذو القرباء انطفى فيكم وميضه
عابدين المال شر اهل الشكاله
والكرم عند الكرام المستريضه
اللذي يهمز ويلمز في الظلاله
في جهنم تاليته ومن يعيضه
اللذي يبخل ولايبغي الرجاله
في كفن يرحل وماله مايريضه
من وساويسه ومن عثرة خياله
ماتشوف الا شتاء قارس وقيضه
مل من شوفه مع العالم عياله
مايقدم للفقير ان جاه بيضه
جعل مال اهل البخاله في زواله
وجعل باب البخل مايهنى بهيضه
واللذي ربي هداه وبذل ماله
زاده الله رازقي من فضل فيضه
والصلاة على النبي راعي الجماله
سيدي محمد وخاب بني قريضه

رد: استوى نظم القوافي المستغيضه
 

[color="darkred"][size="5"][font="arial"]
جزله من راس جزل
صح لسانك واعتلى شأنك
ولاهنت
تحيتي واحترامي
[/font][/size][/color]

رد: استوى نظم القوافي المستغيضه
 

جزل ومبدع يافلاح بن منشار
تحياتي لكم

رد: استوى نظم القوافي المستغيضه
 

صلى الله عليه وسلم ..

سلمت ودمت يابومحمد
ومنور يالامير والحمدلله ع السلامه
وصح لسانك ملايين

رد: استوى نظم القوافي المستغيضه
 

[quote=الطائر المهاجر;1663848][color="darkred"][size="5"][font="arial"]
جزله من راس جزل
صح لسانك واعتلى شأنك
ولاهنت
تحيتي واحترامي
[/font][/size][/color][/quote]


صح بدنك ولاهنت
شرفني مرورك

رد: استوى نظم القوافي المستغيضه
 

صح اللسان يابو محمد وجاد البيان يامبدع

رد: استوى نظم القوافي المستغيضه
 

صح السانك يافلاح
وعودا حميد
ابدعت لافض فوك
ولاهنت