|
مــشــكـــل بـــدووون شــــطـــة
ياهلا والله ومسهلا يالله حيهم اسفرت وانورت
ابكتب لكم بعض المقالب اللي قريتها واعجبتني وفطستني من الضحك طبعا تبون تقولون وش دخل العنوان :cool: " مشكل بدون شطة " بالموضوع ومالة دخل.....!!! برد عليكــــــم واقولكم دعايات تجارية اخخخخخ :p وش معنا هم يتسذبون وانا لا وهذي طريقة جذب الاعضــــــاء ههههههههههههه المهم ان شاء الله بتفطسون انتم بعد بس يارب ماتكون قديمه ويطيح وجهي يقولك فيه مجموعه شباب عزوبية بشقة وحدة وكان واحد منهم ينام بدري وهم يبونه يسهر معهم فمره وهو نايم وحاط يده على خده حطو صمغ شديد القوه على طرف يده من جهة الخد وبعد ماقام ماقدر يفك يده وراح للمستشفى وعملو له عمليتين الاولى لفك اليد والثانيه للتجميل المقلب الثاني:- فيه بشكه يحبيلهم رايحين رحله للطائف وشافو الخير والرزق والأمطار عندهم.............. اومير يجيبون برشومي ( صبار شوكي ) طازج من المزرعه بقشره ومعهم واحد طعس (بدويي يحليلة ) ما يعرف البرشوم الأنذال سووا فيه مقلب مستغلين طيبه قلبه ..... سألهم : شلون اقشره؟؟؟؟؟؟؟؟؟ قالوا: قشره بيدك المسكين طار الشوك بيديه ووجهه وقعد يصرخ من الألم قالوا له (اصدقائه المخلصين) ادعك وافرك خشتك بالقشر عشان يروح الألم ما درى الا والألم يزيد وانتفخت خشته واخيرا كسر خاطرهم وحطوا له ثلج يبرد عليه لكن بصراحه حسروبة يا ويلهم من الله . المقلب الثاني:- مقلب ثقيل شوي ( ومن المقالب ما قتل) فيه شله كشتوا للبر وبغوا يمزحون مع واحد منهم حفروا حفره بالليل وجلسوا واحد منهم فيها ودفنوه بحيث ما يطلع الا راسه وباقي الجسم تحت الارض وحطوا فوق راسه قدر وبعدين ارسلوا اللي يبون يمزحون معه للقدر عشان يجيبه والمسكين ما درى وش يحتريه رفع القدر ما درى الا راس صديقه ثم طاح مغمى عليه الربع خافوا وطاروا به للمستشفى ويوم وصلوا هناك تذكروا انهم ناسين خويهم هناك(المدفون) يوم راحوا له لقوا القدر على راسه ورفعوا القدر لقوه ميت مختنقا ورجعوا للمستشفى اللي علمهم بوفاه صديقهم الثاني (اللي لعبوا فيه المقلب) المقلب الرابع:- مجموعة شباب طالعين رحله للبر معهم واحد(خواااااااااف)بغو ربعه يصلحون فيه مقلب يوم جت حزة النوم حطو في فراشه عقرب محنطه يوم جاء ينام قرصه واحد من العيال في رجله وصرخ(الخوااااف)اااااه وش ذا؟؟؟؟؟؟؟؟ قالو اخوياه:ياويلك يافلان عقرب تبي تموتك صدق المسكين وقال:ااااااااه السم بدا يسري بجسمي قالوا: يالله للمستشفى بسرعه قبل لا تموت وهو يصرخ : ااااااااااه السم وصل نص ساقي اه اه اه (خرااااااااط) يوم انتصف الطريق قال : السم وصل بطني (كذوووووووووووووب) وهم يقولون له: تصبر.تصبر ويوم وصلوا الشله للمستشفى وهو يصيح: يا شباب حللوني انا ابموت اشهد ان لا اله الا الله وان محمدا رسول الله في هذه اللحظه ما قدروا الشباب يكتمون ضحكاتهم وهم يقولون له: قم يا نصاب ما فيك الا العافيه أتمنى إنها نالت إعجابكم إخوتي الكرام. |
يا هلا بنور المنتدى كله
والله خطيره المقالب وروعه والله يعطيك الف عافيه |
الاخت مجنونه بس مزيونه
والله ياهو عنوان ماله أي علاقه ولو قلتي مقالب بنجي نركض بدون دعايه وهالمقالب كلها خطيره وياحليل الصعايده عزالله انهم مظلومين عند مقرد أهل نجد ومزحهم وياخوفي لا أحد يحاول يطبقها من هالمطافيق !!! عموما شكرا لك والله يوسع صدرك بالعافيه تحياتي |
:)خخخخخخخخخخخخخخخخخخخ:)
الله يستر مشكورو على المقالب |
يا حلووك يا مجنونه
قولي آاامين الله يوسع صدرك بالعافيه مثل ما وسعتي صدورنا بهالمقالب الحلوه;) |
شكرا اختي الغاليه مزيونه المقالب
قويه مرررة والكثير لايستطيع مواجهة قوتها الله يستر علي من ينصدم بهذه المقالب شكرا لك تحياتي |
[quote]يقولك فيه مجموعه شباب عزوبية بشقة وحدة
وكان واحد منهم ينام بدري وهم يبونه يسهر معهم فمره وهو نايم وحاط يده على خده حطو صمغ شديد القوه على طرف يده من جهة الخد وبعد ماقام ماقدر يفك يده وراح للمستشفى وعملو له عمليتين الاولى لفك اليد والثانيه للتجميل [/quote] بصراحه هذا قوي جدااااااا ولو انا منه ماعاد اشوف وجيهم بحيل اللي ماتنام عينه [quote]واخيرا كسر خاطرهم وحطوا له ثلج يبرد عليه لكن بصراحه حسروبة يا ويلهم من الله .[/quote] حسبي اله عليهم مو مزح هذا هذا قلة ادب بصراحه ولو انا مكانه بتفل في وجيهم [quote]تذكروا انهم ناسين خويهم هناك(المدفون) يوم راحوا له لقوا القدر على راسه ورفعوا القدر لقوه ميت مختنقا ورجعوا للمستشفى اللي علمهم بوفاه صديقهم الثاني (اللي لعبوا فيه المقلب[/quote] حسبي الله عليهم الف مره وش هالمزح اللي ماله سنع خلهم نفسي اشوف وجيهم بوقتها [quote]اشهد ان لا اله الا الله وان محمدا رسول الله في هذه اللحظه ما قدروا الشباب يكتمون ضحكاتهم وهم يقولون له: قم يا نصاب ما فيك الا العافيه [/quote] يعني هذا المقلب اخف من اللي قبل ويعتبر مقلب صدق لانه كشفوا صديقهم الكذاب هههههههههههههههه [quote]أتمنى إنها نالت إعجابكم إخوتي الكرام.[/quote] بصراحا المقالب تروع وعورت قلب ماضحكتني خيتومزيونه الا الاخير نوعا ما هون علي اللي قبل |
وانا اقول ليش اختارت اسم مجنونة ... اثارينا ما بعد شفنا شئ
|
مجنونه وش هالمقالب كلها تروع صدق عرابجه00
الله يستر عليهم وعلينا وكل الشكر لك يالغاليه تحياتي ياحياتي |
هههههههههههههههههههههههههاي اما اللي مزحو مع ربعهم وماتواهذولي صعايده وشذا المزح اللي ماغسل وجهه
|
| الساعة الآن 04:47 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة