لقيت الناس ما منهم سلامه..اكمل
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لقيت الناس ما منهم سلامه=يجيبون الكورونا والملامه
فباعد بينهم وتعيش هاني= ولو تسكن بغارٍ في تهامه
بعضهم يخدعك في ضحك سنه=يبي هرجك ويمشي بالنمامه
وبعضهم من هروجك صار يكسب=مثل كلبٍ ينبش في قمامه[/poem]

رد: لقيت الناس ما منهم سلامه..اكمل
 

وذا دكتورنا الله يعزه=حذف شعرمعانا في تمامه
في ذا المعنى تناولنا ظروفه=وقلنا في جحاوتركه سلامه
مادام العلم فيها مايطمن=فدارك خير من تلزم مقامه
وخل عنك المهايط لاتكابر=ترى ان عاندت مامثلك رخامه

رد: لقيت الناس ما منهم سلامه..اكمل
 

الا ياعود تحذف مابدينا = عليك منيع يحتج بكلامه
ولكن قد حفظنا ماكتبنا = ولا نرضاه يرمى بالقمامه
وهذي هي بالاسطر الاخيره = فيهاالتنبيه للعاقل علامه
فخلك من بعيد في سلامك = ايلين الله يبعد هالغمامه
والزم جدر بيتك لاتجوّل = ترى في جلستك ايضاً سلامه

رد: لقيت الناس ما منهم سلامه..اكمل
 

ههههههههه
ماعليك يابو حمد
جبناها والدكتور مايقصد شي 😂🤣👍

رد: لقيت الناس ما منهم سلامه..اكمل
 

صلوا على محمد
الأوله كان بدايتها:
بالعالم الثالث عساكر مع حراميه
وشفتكم ما تجاوبتوا قلت مهيب معجبتهم خل نحط شي يمكن يعجبهم
وحطيت لقيت الناس
ويوم شفتكم تجاوبتوا قلت احذف الأوله
ويوم حذفت الرد الأول انحذفت كلها
حاولت استرجعها ما عرفت

رد: لقيت الناس ما منهم سلامه..اكمل
 

معذور ولا فيك شك يابو عبدالله

وشكرا لك عالتوضيح

رد: لقيت الناس ما منهم سلامه..اكمل
 

[quote=منيع;1662790]وذا دكتورنا الله يعزه=حذف شعرمعانا في تمامه
في ذا المعنى تناولنا ظروفه=وقلنا في جحاوتركه سلامه
مادام العلم فيها مايطمن=فدارك خير من تلزم مقامه
وخل عنك المهايط لاتكابر=ترى ان عاندت مامثلك رخامه[/quote]

[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
منيع صار يهجو مثل الاخطل=وابو محمد كفيل في خصامه
الا ياطامي الخيرات اقبل= وعط الاخطل مثل اقسى كلامه[/poem]

رد: لقيت الناس ما منهم سلامه..اكمل
 

ياحبك للقشارة وانت عارف=خويك مايفرط في التزامه
تنادي واحد يفهم مرامك=عجيب امرك ياراعي اليمامه

رد: لقيت الناس ما منهم سلامه..اكمل
 

ياسلام صحت السنتكم
والله يجيرنا منها وكل المسلمين يارب
تقديري

رد: لقيت الناس ما منهم سلامه..اكمل
 

[quote=منيع;1662790]

وخل عنك المهايط لاتكابر=ترى ان عاندت مامثلك رخامه[/quote]

ماني راعي مهايط وانت تدري= فلا تهجو وتهرب كالنعامه